Die Eredienshulp Diensgroep oorsien alles wat met die eredienste in Garsfontein Gemeente verband hou. Dit sluit sake in soos opneem en tel van offergawes, nagmaalbediening, erediens hulpmiddele, alle sake rakende die oggend en aand eredienste. Ons doel is om deurleefde eredienste te bevorder waar mense waarlik ‘n ontmoeting met die lewende God sal hê.

Die Diensgroep vir gebed sorg dat gebed altyd op alle vlakke ‘n hoë prioriteit sal geniet in Garsfontein. Hulle reël spesiale gebedsgeleenthede, gebedsondersteuning vir lidmate en die uitstuur van SMS-gebede. Hulle kom ook op weeklikse basis byeen op ‘n Dinsdagoggend om 06:00 vir gebed. As jy graag wil deel word van die gebedsgroep of iets op die gebedslys wil plaas, kontak vir Wimpie Barnard.

Die Musiek Diensgroep bestuur alle sake wat verband hou met ons gemeente se orkeste, musiekleiers, voorsangers, aanbiddingsleiers, besoekende kunstenaars en kore, spesiale sangdienste, keuse van liedere en aanleer van nuwe liedere. Deur ons musiek wil ons bydra tot die lof van God in ons eredienste.

Die Multi-Media Diensgroep is verantwoordelik vir die bestuur van ons kerkrekenaar en data-projektors, enige DVD aanbiedings in die dienste, klanktoerusting, “Power Point” aanbiedinge in die dienste, video-opnames en klankopnames. Met hierdie tegnologie wil ons ons eredienste verryk sodat die boodskap helder gekommunikeer kan word aan vandag se mens.

Hierdie diensgroep is verantwoordelik vir die skep van atmosfeer in die kerk. Die regte kleur lappe oor die kruis, kerse, simboliek, blomme en nog vele ander hulpmiddele word aangewend om ons fasiliteite funksioneel te versier.