Hierdie is ‘n groep vroue wat weekliks bymekaar kom, Bybel lees en kreatiewe aktiwiteite beoefen. Hulle maak teddiebere, brei, maak geskenkpapier, boekies en doen “decoupage” werk. As jy iets nuuts wil aanleer en geestelik wil groei is hierdie groep die ideale plek. Kom geniet Donderdagoggende saam met hulle.

Hierdie diensgroep bestuur ons tuine sodat daar altyd ‘n aangename en rustige atmosfeer heers op ons gronde.

Die Diensgroep vir Gasvryheid is verantwoordelik vir die verwelkoming en inskakeling van nuwe lidmate. Hulle reël geleenthede om nuwe lidmate ‘n oriëntering van ons gemeente se funksionering te gee. Hulle verwelkom ook mense Sondae by die ingang van die kerk. As jy ‘n passie het vir mense en ‘n gawe het om hulle tuis te laat voel, kom help ons.

Hierdie diensgroep is verantwoordelik vir die blomme by spesiale geleenthede. As jy vir Lulu kan help kontak haar asb.

Hierdie diensgroep is verantwoordelik vir die skep van at-mosfeer in die kerk. Die regte kleur lappe oor die kruis, kerse, simboliek en nog vele ander hulpmiddele word aangewend om ons fasiliteite funksioneel te versier.

Hierdie diensgroep sorg vir die vertroosting van ‘n koppie tee op sulke hartseerdae.