LIG Kinderbediening is ‘n inter-kerklike evangeliese organisasie wat weekliks behoeftige Afrikaanssprekende kinders in Danville, Proklamasieheuwel en Elandspoort bedien deur middel van Bybelklubs, vakansieprogramme en uitstappies. ‘n Jaarlikse hoogtepunt is die kampe en borge is altyd nodig en baie welkom. Ondersteuning in die vorm van klere of enige iets wat deur ‘n minder bevoorregte kind benut kan word, sal waardeer word. Indien jy by hierdie hoogs bevredigende projek betrokke wil raak, kontak vir Louise Rossouw.

Die Diensgroep vir Gasvryheid is verantwoordelik vir die verwelkoming en inskakeling van nuwe lidmate. As jy ‘n passie en ‘n gawe het om mense tuis te laat voel, gaan help gerus by hierdie bediening!

Hierdie Diensgroep ondersteun sendelinge, finansieël en geestelik.  Ons is betrokke by die SAPS Traumasentrum by Garsfontein Polisiestasie.  Ons is ook betrokke by eSwatini se Vigsprojek.  Ons ondersteun ook Back to the Bible Mission.

Hierdie is ons Gemeente se veilige vesting vir weerlose tiener-dogters wat ‘n heenkome nodig het. Kontak gerus vir Dr Jaco Barnard as u betrokke wil raak by hierdie dogters.

Hierdie is ‘n groep vroue wat weekliks bymekaar kom, Bybel lees en kreatiewe aktiwiteite beoefen.  Hulle maak teddiebere, brei, maak geskenkpapier, boekies ens.  As jy iets nuuts wil aanleer is hierdie die ideale plek vir jou.

Hierdie diensgroep bestuur ons tuine sodat daar altyd ‘n aangename en rustige atmosfeer heers op ons terrein.

Hierdie projekte ondersteun behoeftige gemeenskappe. ‘n Hele handvol kleuterskooltjies word deur ons gemeente aan die gang gehou in plakkersgemeenskappe. Senior burgers, groentetuinprojekte, mobiele klinieke en ons “Kids Klub” baat almal by die bydraes.
Enige “rommeltjies” in jou huis kan ons gebruik: van koerante, tydskrifte, toiletrolletjies, prente en enige iets anders is van groot nut vir ons. Indien jy ons kan help met enige iets of betrokke wil raak by die uitsorteer van die skenkings, is jy meer as welkom. Ons benodig ook vrywilligers wat behulpsaam kan wees met die vervoer van die skenkings (1x per maand) na die gemeenskappe in nood. Kontak vir Gerda Joubert.

Hierdie diensgroep sorg vir die vertroosting van ‘n koppie tee op sulke hartseerdae.